Gizartea -
Mañeruibar
Traktore baten gidaria hil da Girgillaon, sakan batetik erorita
Helikoptero bat bertaratu da, baina talde medikoak biktimaren heriotza baieztatu baino ezin izan du egin.
Agentziak | Erredakzioa
Traktore baten gidaria hil da asteazken honetan, Girgillaon (Mañeruibar), Nafarroako suhiltzaileek jakitera eman dutenez. Ibilgailua sakan batetik erori da. Biktimak 73 urte zituen, eta Garesekoa zen.
Ezbeharra 14:00ak aldera gertatu da.
Helikoptero bat bertaratu da, baina talde medikoak biktimaren heriotza baieztatu baino ezin izan du egin. Era berean, Lizarrako suhiltzaileak eta foruzainak laguntzeko joan dira.