Gizartea -
Trafikoa
Auto batek su hartu du AP-1ean, Legutio parean
Matxura Isuskitzako tunelean jazo da. Errepidea guztiz itxi behar izan dute, baina 08:30erako zabalik zegoen Eibarko noranzkoan.
EiTB.EUS
Auto batek su hartu du goizean AP-1ean, Isuskitzako tunelean (Legutio, Araba), eta, ondorioz, errepidea itxi behar izan dute bi noranzkoetan, Eusko Jaurlaritzako Segurtasun Sailak eitb.eus-i jakinarazi dionez.
Autoak matxura eduki du 08:00ak aldera, eta su hartu du. Suhiltzaileak berehala bertaratu dira.
Errepidea guztiz itxi behar izan dute, baina 08:30erako zabalik zegoen Eibarko noranzkoan. Gasteizko noranzkoan errei bat bakarrik zabaldu dute, eta, ondorioz, ilarak sortu dira.
Hau zure interesekoa bada, baliteke beste gai hauek ere izatea