Lapurreta egin dute Kutxabankek Donostian duen bulego batean

Lapurreta izan da arratsalde honetan Donostiako Loiola auzoan dagoen Kutxabankeko bulegoan, Segurtasun Saialak jakinarazi duenez.

Gertakaria 14:30 inguruan jazo da, bulegoa ixtear zegoela.

Burua estalita zuen gizon bat barrura sartu da eta arma batekin mehatxatu ditu han zeuden sei lagunak: lau langile eta bi bezero.

Lapurreta egin ondoren, ihes egin du gizonak.

Ertzaintza lapurraren bila dabil, eta ikerketa hasi du gertatu dena argitzeko.