Trafiko liskar baten ondoren gidari bati eraso egiteagatik atxilotuta

24 urteko gazte bat atxilotu dute Galdakaon trafiko liskar batean izandako eraso baten ondoren. Herrizaingo sailak jakinarazi duenez, gazteak kamioi gidari bat makila batekin jo zuen eta ondoren burdinezko barra bat jaurti zion.

Gertakaria atzo izan zen BI-3720 errepidean, Galdakaon. Kamioi gidari baten artean eta furgoneta gidari baten artean liskarra izan zela ohartarazi zioten Ertzaintzari.

Antza, kamioi gidariak bidean gelditu behar izan zuen furgoneta batek egindako mugimendu arriskutsu batzuen ondorioz, eta horrela sortu zen istilua.

Furgonetako gidariak sekulako&' || 'nbsp; jipoia eman zion kamioi gidariari eta zauriak eragin zizkion aurpegian.

Ustezko erasotzaileak, makilaz jotzeaz gain burdinezko barra bat jaurti zion ondoren, baina ez zion eman. Ertzaintzak 24 urteko gaztea atxilotu zuen trafikoaren segurtasunaren aurkako delitua eta kamioi gidariari bati eraso egitea egotzita.