Gizartea -
Emakumeen aurkako indarkeria
Bikotekide ohiari eta ertzain bati eraso egiteagatik atxilotuta Bilbon
Atxilotuari, 42 urteko gizonezkoari, indarkeria matxista eta agintarien kontrako atentatu delituak egotzi dizkiote.
Erredakzioa
42 urteko gizonezko bat atxilotu dute bart Bilbon, bikotekide ohia erasotzeagatik eta erasoa sahiestea lortu zuen ertzain bat jotzeagatik, hala jakinarazi du Herrizaingo Sailak.
Gaueko 22.00ak aldera izan da gertakaria. Ibarrekolanda auzoko kale batean gizonezko batek bikotekide ohia jo zuen. Zerbitzuz kanpo zegoen Ertzaintzaren agente batek ikusi eta erasoa geldituarazi zuen, baina patrulla bati deika hasi zenean ustezko erasotzaileak aurpegian jo zuen ertzaina eta ondoren ihesari eman zion.
Ertzaintzaren agenteek inguruko kale batean aurkitu zuen ustezko erasotzailea, 42 urteko gizonezkoa, atxilotuta dago indarkeria matxista eta agintarien kontrako atentatua egotzita.