Gizartea -
Sexu-erasoa
Elorrioko taberna bateko nesken komunean kamerak aurkitu dituzte
Erasoa gaitzesteko elkarretaratzea egingo dute ostegunean, herriko plazan.
eitb.eus
Elorrioko taberna bateko nesken komunean kamerak aurkitu dituztela jakinarazi dio Segurtasun Sailak eitb.eus-i.
Euskadi Irratiak zabaldu duenez, salaketa sare sozialetan zabaldu dute bideo baten bidez. Horren arabera, uztailean kamera bat topatu zuten Elorrioko erdiguneko taberna batean, eta orain aste gutxi Ertzaintzak beste bat aurkitu duela egiaztatu du Segurtasun Sailak.
Ertzaintzak ikerketa abiatu du gertatutakoa argitzeko, eta Elorrioko gizon bat auzipetu dute.
Mugimendu feministak elkarretaratzea deitu du erasoa gaitzesteko. Ostegunean egingo dute, 19:00etan, herriko plazan.