Gizartea -
Indarkeria sexista
Emakume batek eraso matxista jasan du Bilbon
Akelarre Santutxu auzoko talde feministak erasoa gaitzesteko elkarretaratzea deitu du gaurko (20:00) Egunkaria plazan.
EITB.EUS
Emakumezko gazte batek eraso matxista jasan du bart Bilbon, Akelarre Santutxu auzoko talde feministak sare sozialetan salatu duenez.
Horren arabera, 04:00ak aldera jazo da erasoa, Atxuri auzoan.
Erasoa salatzeko, elkarretaratzea deitu du Akelarre taldeak gaurko. 20:00etan egingo dute, Egunkaria plazan (Santutxu auzoa).
Ertzaintzak eitb.eus-i jakinarazi dionez, oraindik ez dute salaketarik jaso.
___________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
