Gizartea -
Trafiko istripua
Hiru lagun hil dira Urruñan, auto baten eta kamioi baten arteko istripuan
Dirudienez, 01:00 aldera gertatu da ezbeharra. Autoan zihoazen hiru bidaiariak hil egin dira; kamioilaria, aitzitik, onik atera da.
EiTB.EUS
Hiru pertsona hil dira Urruñan goizaldean izandako trafiko istripuan. Dirudienez, auto batek eta kamioi batek talka egin dute ezbeharrean, 01:00 aldera.
Euskadi Irratiak emandako informazioaren arabera, autoan zihoazen hiru bidaiariak hil egin dira. Iturri horrek zehaztu du Urruña erdigunetik gertu jazo dela istripua, oraindik argitu gabe dauden arrazoiak tarteko.
Autoa kamioi azpian geratu da harrapatuta, eta suhiltzaileak bertaratu dira, baina ezin izan dute ezer egin bidaiariak onik ateratzeko.
Suhiltzaileen arabera, hiru gazte zihoazen autoan.