Bi atxilotu, trago batzuk hartzeko 4 urteko alaba etxean uzteagatik

33 eta 35 urteko bikote bat atxilotu du Poliziak Alacanten, ustez ''trago batzuk hartzera" joateko lau urteko alaba etxean giltzapetuta uztea leporatuta.

Atxilotuek joan den ostegunean utzi zuten alaba etxean bakarrik. Auzokideak hurrengo eguneko (ostiralean) 5:30ak aldera ohartu ziren alaba bakarrik zegoela, etxeko terrazan negarrez ikusi zutenean.

Poliziak suhiltzaileak deitu zuen etxebizitzara joan eta neskatoa erreskatatzeko. Umea osasuntsua baina bakarrik aurkitu zuten.

Gurasoak etxera itzulitakoan atxilotu zituzten agenteek, goizeko 07:30etan. Bikoteak mozkorkeria zantzu nabermenak zituen.

Atxiloketaren unean umearen aitak poliziei eraso egin zien atxiloketa saihesteko. Honen ondorioz, adingabea abandonatuta uzteaz gain, autoritateko agenteei aurre egin eta desobeditzea egotzi zaizkio gizonezkoari.

Bikotekidearen senitarteko bati eman diote adingabearen zaintza. Ekintza honen antzeko aurrekari batzuk ditu bikoteak eta Alacanteko guardia instrukzioko epaitegiaren esku geratu dira.