Talka Gasteizko feministek okupatutako eraikina hustu eta bi lagun atxilotu dituzte

Gasteizko Udaltzaingoak Talka gune feministak okupatutako Alava Velascotarren jauregia hustu du ostegun honetan, eta bi pertsona atxilotu ditu desobedientzia egotzita.

Liskarrak izan dira eraikinaren kanpoaldean zeuden Talka gune feministako kideen eta lagunen eta udaltzainen artean.

Udaltzaingoak eitb.eus-i jakinarazi dionez, ez dute eraikina hustu "barruan ez zegoelako inor", baina sarraila aldatu dutela baieztatu dute.

Talka taldeak berak eman du, goizean, hustearen abisua, sare sozialen bidez.

Gasteizko Alde Zaharrean abandonatuta dauden eraikin historikoetako bat da Alava Velascotarren jauregia. Hiriburuko feminista talde batek abenduaren 15ean okupatu zuen eraikina, eta jabeek epaitegietan salatu zuten okupazioa. Gaur, jauregiaren jabearekin eta sarraila enpresa bateko langile batekin joan dira bertara udaltzainak, eta sarraila aldatu dute.