Gizartea -
Bizkaia
Adingabe bat larri zauritu dute labanaz Barakaldon
Hiru labankada jaso ditu bizkarrean igande goizalde honetan. Jazotakoa argitzeko ikerketa abiatu dute.
AGENTZIAK | ERREDAKZIOA
16 urteko adingabe bat Gurutzetako Ospitalera eraman dute igande goizalde honetan larri zaurituta, Barakaldon hiru labankada jaso ostean.
Ertzaintzak jakitera eman duenez, jazoera Barakaldoko Murrieta kalean gertatu da 01:40 aldera. Gaztea bizkarrean sastatu dute, arma zuriz. Polizia eta Udaltzaingoa bertaratu dira. Adingabea ospitalera eraman dute, eta jazotakoa argitzeko ikerketa abiatu dute.
Polizia Zientifikoa frogak jasotzen ibili da gaur goizean tokian bertan, erasoaren erantzuleak identifikatu eta atxilotzeko asmoz.