Gizartea -
Eztabaida
Bi bikotekide atxilotu dituzte Gasteizen elkarri eraso diotelakoan
Gizonari indarkeria matxista egotzi diote; emakumeari, berriz, etxeko indarkeria.
Agentziak | Erredakzioa
Gasteizko Udaltzaingoak 34 urteko emakume bat eta 27 urteko gizon bat atxilotu ditu, bikotekideen arteko eztabaida batean elkarri eraso egin izana egotzita.
Udaltzaingoak jakitera eman duenez, eztabaida larunbatean gertatu zen, 15:00ak aldera, Anglo auzoan. Etxe barruan kolpe eta zarata handiak entzuten zirela-eta, Udaltzaingoari deitu zioten bizilagunek.
Gizonak emakumearen kolpeak jaso izana salatu zuen, eta emakumeak gizonaren erasoa jasan zuela esan zien etxera joan zitzaien udaltzainei. Bien adierazpenak entzun eta gero, biak atxilotu zituzten, gizonari indarkeria matxista egotzita eta emakumeari, berriz, etxeko indarkeria.
________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
