Gizartea -

INAUTERIAK

Mozorroa aukeratzerakoan segurtasunak duen garrantzia azpimarratu du Kontsumobidek

Kontsumoko Euskal Institutuaren esanetan, ezinbestekoa da mozorroek araudia betetzen dutela egiaztatzea.

Halloween giroko mozorroz jantzitako hiru haur. Argazkia: Irekia
Halloween giroko mozorroz jantzitako hiru haur
Halloween giroko mozorroz jantzitako hiru haur. Argazkia: Irekia

EITB.EUS

Whatsapp Facebook Twitter Telegram Email

2019ko inauterien hasieraren bezperan, Kontsumobide Kontsumoko Euskal Institutuak segurtasunaren garrantzia azpimarratu du mozorroa aukeratzeko garaian. Nora Abete Kontsumobideko zuzendariaren esanetan, garrantzitsua da oinarrizko araudia ezagutzea eta mozorroa segurua dela ziurtatzea.

Hedabideetara bidalitako prentsa-ohar batean, mozorroek araudia betetzen dutela egiaztatzearen premia nabarmendu du: "Egiaztatu behar dugu suaren kontrakoak direla edo nekez har dezaketela sua, irents daitezkeen zati txikiak edo zati zorrotzak ez dituztela, eta itotzea eragin dezaketen lepoaldeko sokak edo kordoiak ez dituztela".

Mozorroak adin-tarteen arabera sailkatzen dira, eta Kontsumobidek ohartarazpen zehatzak egiaztatzea aholkatu du, "bereziki, 36 hilabetetik beherako adingabeei zuzendutakoak".

14 urtetik beherako eta 12 hilabetetik gorako pertsona batentzako mozorroak Europako EE (CE) marka erakutsi behar du etiketetan, adin-tartea adierazi behar du eta jarraibide espezifikoak eduki behar ditu.

Bestalde, mozorroa erosteko aukeratzen den denda, fisikoa zein birtuala izan, konfiantzazkoa dela egiaztatzea eta fakturak eta frogagiriak gordetzea gomendatu du Kontsumobidek.

Hau zure interesekoa bada, baliteke beste gai hauek ere izatea
Eusko Jaurlaritza EAE Inauteriak albisteak Gizartea albisteak Eguneko albisteak Eguneko albisteak Jaiak Kontsumoari buruzko albisteak KontsumoBIDE