Bost urteko kartzela zigorra eskatu dute 'El Muki' delitugilearentzat

Gipuzkoako fiskaltzak bost urteko kartzela zigorra eskatu du "El Muki"rentzat, Ertzaintzat 50 aldiz baino gehiagotan atxilotu duen eta Goierri eskualdea izutu zuen 20 urteko delitugilearentzat, joan den urrian Lazkaon arma bidezko lapurreta egiteagatik.

Joan den abenduaren 1ean, Ortuellan (Bizkaia), auto bat lapurtzen ari zenean Ertzaintzak atxilotu aurretik, "El Muki"k egindako azken delituetako bat da Lazkaokoa.

Auzipetua kartzelan dago gaur egun eta bi zigor jarri dizkiote dagoeneko. Alde batetik, 2009ko azaroan, Bilboko epaitegi batek hamar hilabete eta hamabost eguneko kartzela zigorra jarri zion indarra eta mehatxuak erabiliz egindako lapurretagatik. Bestalde, Donostiako beste epaitegi batek, antzeko gertakari batzuengatik bi urteko kartzela zigorra jarri zion.

"El Muki"ren delituen zerrendak hogeita hamar bilatzeko agindu biltzen ditu. Horietako batzuk adingabea zen garaikoak dira. Horrez gain, alarma soziala eragin duten ehun delitu inguru ere egin ditu.

Egindako delituen artean ere bi bahiketa ditu "El Muki"k. Lehenengoan, Ordiziako 23 urteko gazte bat Elgoibarrera eramatera behartu zuen. Bertan, auto bat lapurtu eta Bilbora joan zen eta beste lapurreta batzuk egin zituzten. Bigarrenean, berriz, joan den azaroaren 6an izan zen. Ustez, 20 urteko gazte bat laban batekin mehatxatu zuen Zaragozako jatetxe batean indarra erabilita lapurreta egiteko helburuarekin.

2010ean, besteak beste, Beasainen gate batek jasandako erasoa eta hainbat autoren lapurreta ere egotzi diete. Auto horiek, gainera, baimenik gabe gidatzen zituen.

Beasainen, hain zuzen ere, "El Muki"ren aurkako manifestazioa egin zuten.