Gizartea -
Indarkeria matxista
Gizon bat atxilotu dute Zumarragan bikotekidea makila batekin jotzea egotzita
Antza denez, bikotearen hiru seme-alaben aurrean kolpatu du emakumea. 41 urteko gizonezkoa atxilotu eta aginte judizialaren esku utzi dute.
Agentziak | erredakzioa
Ertzaintzak gizon bat atxilotu du Zumarragan (Gipuzkoa) indarkeria matxista egotzita; antza, bikotekidea egurrezko makila batekin jo du seme-alaben aurrean.
Segurtasun Sailaren arabera, asteazkenean, gaueko hamarrak aldera, Ertzaintzak dei bat jaso zuen emakume batek Zumarragako etxebizitza batean tratu txarrak pairatzen ari zituela jakinaraziz.
Antza, gizonak hainbat ukabilkada emateaz gain, kolpeak eman zizkion makil batekin eta zauri anitz eragin zizkion.
Gainera, antza denez, bikotearen hiru seme-alaben aurrean kolpatu zuen emakumea. Azkenik, 41 urteko gizonezkoa, atxilotu eta aginte judizialaren esku utzi dute.
________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
