Gizartea -
Eskariaren hazkundea dela eta
Euskadiko elikagaien bankuek 100 tona janari behar dituzte
Euskadiko Elikagaien Bankuaren Federazioak kopuru hau biltzeko kanpaina bat jarri du martxan, "egungo krisi ekonomikoak bultzatuta, eskariaren hazkundeari aurre egiteko".
Redacción
Euskal elikagaien bankuek 100 tona janari biltzeko kanpaina jarri dute martxan. Euskadiko Elikagaien Banku Federazioak jakitera eman duenez, elkarte hauen janaria behar dutenen pertsona kopurua "gora egin du nabarmen, egungo krisi ekonomikoaren eraginez". 2010. urtean zehar, ia 4.400 tona elikagai banatu zituzten 47.000 lagunen artean, hau da, 93,6 kilo janari artatutako pertsona bakoitzeko.
Elikagaiak biltzeko kanpaina berri honek "behar handienak dituztenak asetzea eta errealitate honi buruz gizartea sentsibilizatzea eta mugiaraztea" ditu helburu. Hiru euskal probintzietako 150 supermerkatuek jasoko dituzte behar-beharrezko elikagaiak, hau da, arroza, pasta, lekak, esnea eta olioa.
Publizitate kanpainan hainbat pertsonaia ezagunek hartu dute parte tartean, Karlos Arguiñano sukaldaria eta Yolanda Alzola telebista aurkezlea. Gainera, telebistan iragarki bat emitituko dute eta kaleetan kartelak izango ditugu ikusgai.