Gizartea -
Genero indarkeria
Gizon batek bikotekide ohiari eraso egin dio kalean, Gasteizen
Biktimak erasoa jasan zuen lekura bertaratu ziren udaltzainak, eta emakumeak zauriak zituela ikusita, ustezko erasotzailea atxilotzea erabaki zuten.
AGENTZIAK | ERREDAKIZOA
35 urteko gizon bat atxilotu du Udaltzaingoak Gasteizen, ustez bikotekide ohiari kalean eraso egiteagatik.
Astearte gauean, 23:00ak aldera, biktimaren deia jaso zuten udaltzainek, 092 telefonoan. Eulogio Serdan kalean erasoa jasan zuela jakinarazi zien emakumeak agenteei.
Berehala, erasoa gertatu zen lekura bertaratu ziren, eta biktimarekin eta zenbait lekukorekin hitz egiten zuten. Handik gutxira, emakumeak gorputzean zauriak zituela ikusita, gizona atxilotzea erabaki zuten.
Bitartean, beste patruila batek ospitalera eraman zuen emakumea, eta ondoren polizia-etxera joan ziren salaketa jartzera.
___________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
