Asteartean ere euri kontuekin jarraituko dugu

Euskalmet Meteorologiaren Euskal Agentziaren iragarpenaren arabera, gaur antzeko giroa espero da, eta zerua hodeitsu edo oso hodeitsu egongo da, beraz. Goizean ateri egongo da orokorrean, hego-haizea ibiltzen den bitartean.

Arratsaldean haizeak ipar-mendebaldera egingo du, zakartu egingo da eta hortik aurrera eguraldi euritsuagoa espero da, zaparrada ertainekin arratsaldean iparraldeko zenbait lekutan.

Tenperaturak ez du aldaketarik jasango. Hiriburuetan, Bilbon 10 gradu espero dira gutxienez eta 15 gehienez; Iruñean 7 gutxienez eta 16 gehienez; Donostian 9 gutxienez eta 15 gehienez; eta Gasteizen 6 gutxienez eta 14 gehienez.

Asteazkenean mendebaldeko haizea izango da nagusi eta eguraldia nahiko aldakor ibiliko da. Euri gutxi espero dugu orokorrean; goizean apenas egingo duen eta arratsalde-gauean zertxobait besterik ez.

Zeruan ere hodeitza aldakorra izango da, hodeiak eta ostarteak tartekatuko dira.

Tenperaturan ere, alde handirik ez da izango; gauekoak zertxobait jaitsiko dira, baina eguneko altuenak 14 eta 16 ºC-ren artean kokatuko dira.