Gizon bat atxilotu dute, ustez alabak eta ilobak bortxatzeagatik

Polizia Nazionalak 64 urteko gizon bat atxilotu du Tenerifen ustez bi alabei eta adintxikikoak diren hiru ilobei sexu-erasoa egin izanagatik. Poliziak bortxaketa lau delitu egotzi dizkio.

Antza denez, sexu-erasoek sei hilabete iraun zuten eta joan den irailean eman ziren. Atxilotua ilobak zaintzen zegoen ustez behartu zituenean.

Adintxikiek 10, 11 eta 14 urte dituzte, eta bi neska eta mutiko bat dira. Medikuen miaketaren ostean osasun-zentro batera eraman dituzte zauriak zaintzeko.

Gero beste ustezko bi biktima gehiago aurkitu dituzte, atxilotutakoaren bi alabak; horietako bat iloben ama da. Alaben hitzetan, aitak askotan bortxatu zituen, baina ez zuten inoiz salatu.