Gizartea -
Ipar Euskal Herria
Espeleologo donostiar baten gorpua topatu dute Biriatuko leize batean
71 urteko gizonezkoa duela bost egun sartu zen kobazulo horretara. Haren berri ez zuela eta, alabak larrialdi zerbitzuak ohartarazi zituen.
EITB.eUS
Espeleologo donostiar baten gorpua aurkitu dute gaur Biriatuko (Lapurdi) haitzulo batean, Euskadi Irratiak baieztatu ahal izan duenez.
71 urteko gizonezkoa duela bost egun joan zen kobazulora, bakarrik. Alabak, haren berri ez zuela eta, larrialdi zerbitzuak ohartarazi zituen. Gizonaren autoa kobazuloaren kanpoaldean topatu dute aparkatuta.
Gaur goizean topatu dute, hilda, eta eguerdian atera dute bertatik.