Gizartea -
TEKNOLOGIA
WhatsApp zerbitzua berrezarri dute Espainiako estatuko hainbat tokitan
Antza denez, Madril, Sevilla eta Valladolid izan dira tokirik kaltetuenak. Konpainiak ez du oraingoz inolako arazoren berri eman.
EITB.EUS
WhatsApp erori egin da astearte honetan Espainiako estatuko hainbat tokitan, eta horrek erabiltzaileen haserrea eragin du.
Downdetector webgunearen arabera, goizeko lehen orduan, 07:00ak baino lehenago, hasi dira konexio arazoak. Dena dela, 09:30erako edo, zerbitzuak bere onera itzuli da.
Batez ere, Bartzelonan, Madrilen, Sevillan eta Valladoliden nabaritu dute. Dena den, beste zenbait tokitan ere antzeman omen da.
Halaber, WhatsAppeko erabiltzaileak Twitter eta sare sozialen bidez ere kexatu dira.
Beste zenbait erabiltzaileren arabera, Facebook eta Instagram sare sozialetan ere arazoak izaten ari dira.
