Gizartea -
Sexu delitua
86 urteko gizona atxilotu dute Getxon, neska bati ukituak egiteagatik
Bertaratutako udaltzainei lekukoek esan zieten gizonak gazteari ukituak egin zizkiola eta bere eskua hartu eta genitaletara eraman zuela, beste herritar batzuen aurrean.
Erredakzioa
Getxoko Udaltzainek 86 urteko gizonezko bat atxilotu dute, sexu askatasunaren aurkako delitua egitea egotzita.
Getxoko Udalak ohar batean azaldu duenez, iragan astelehenean, arratsaldeko 18:00etan, poliziak dei bat jaso zuen, Areetako Geltokiko Plazaren inguruan pertsona nagusi batek berarekin zihoan adimen-urritasuna duen neskato bati ukitu lizunak egiten zizkiola salatzeko.
Bertaratutako udaltzainei lekukoek esan zieten gizonak gazteari ukituak egin zizkiola eta bere eskua hartu eta genitaletara eraman zuela, beste herritar batzuen aurrean.
Poliziek gizona atxilotu zuten eta, era berean, gaztea bere etxera eraman zuten. Neskaren amari gertatutakoaren berri eman zioten.