Gizartea -
SUTEA
Gizon bat zauritu da Getxoko baserri batean izandako sutean
07:00ak inguruan piztu da sua Getxoko baserri batean. Segurtasun Sailak jakitera eman duenez, zauritutako gizona barruan lo zegoen.
AGENTZIAK | ERREDAKZIOA
Gizonezko bat zauritu da, gaur goizean, Getxoko baserri batean izandako sutean. Segurtasun Sailak jakitera eman duenez, baserriaren barruan lo zegoen sua piztu denean, eta kea arnastu du.
07:00ak inguruan piztu da sua, Salsidu etorbidean dagoen baserri batean.
Ertzaintzak ikerketa zabaldu du, sua nola piztu den argitzeko.
Urdulizeko Ospitalera eraman dute zauritutako gizona.