Gizartea -

BIZKAIA

Gizon bat hil da auto-istripuan Gueñesen

18:00ak aldera, errepidetik irten da auto bat Cadaguako korridorean, eta gidaria istripua jazotako lekuan bertan hil da.

Suhiltzaileak, istripua izan den lekuan. Argazkia: Bizkaiko Suhiltzaileak
Suhiltzaileak, istripua izan den lekuan
Suhiltzaileak, istripua izan den lekuan. Argazkia: Bizkaiko Suhiltzaileak

EITB.EUS

Whatsapp Facebook Twitter Telegram Email

Eusko Jaurlaritzako Segurtasun Sailak jakitera eman duenez, gizon bat hil da gaur arratsaldean BI-636 errepidean, Gueñes parean, auto-istripu larri batean.

18:00ak aldera, autoa bidetik irten da Cadaguako korridoreko 14. kilometroan, eta erdiko hormaren aurka jo du.

Gidaria bakarrik zihoan autoan istripua izan duenean. Larrialdietarako zerbitzuak berehala bertaratu dira, baina istripua izan den lekuan bertan hil da.

Bi erreiak itxi dituzte, eta auto-ilara luzeak sortu dira Balmasedarako noranzkoan. Bilbo aldera joateko erreietako bat ere itxi dute. Trafikoa beste errepide batetik bideratu dute hasieran, korridorea erabat garbitu duten arte.

Hau zure interesekoa bada, baliteke beste gai hauek ere izatea
Trafiko Istripuak Bizkaia Gizartea Albisteak Gueñes Errepideko istripuen biktimak Enkartazioak