Gizartea -

Elkarretaratzea

Elgoibarreko bizilagunek atsekabea agertu dute hilketaren aurrean

Ehunka pertsonak eta alderdi guztietako ordezkariek elkarretaratzea egin dute udaletxearen aurrean, “gertaera salatzeko eta indarkeriarik gabeko gizarte bat aldarrikatzeko”.

Elgoibarreko bizilagunak, elkarretaratzean. Argazkia: EITB.
Elgoibarreko bizilagunak, elkarretaratzean. Argazkia: EITB.
Elkarretaratzea Elgoibarren, larunbateko hilketa gaitzesteko

0:51

agentziak | erredakzioa

Whatsapp Facebook Twitter Telegram Email

Elgoibarreko bizilagunek elkarretaratzea egin dute, larunbatean izandako hilketa gaitzesteko. Ehunka pertsonak eta udalerriko alderdi guztietako ordezkariek parte hartu dute kontzentrazioan, udaletxearen aurrean. Udalaren arabera, “hilketa gaitzesteko eta indarkeriarik gabeko gizarte bat aldarrikatzeko” egin dute.

Biktimaren senide eta lagunek kandelak eraman dituzte kontzentrazioan. Hamabost minutu iraun du, eta bertaratukoen txalo artean bukatu dute. Gainera, bizilagun batzuek dirua batu dute gorpua aberriratzeko gastuetan laguntzeko.

Udalak "haserrea eta arbuioa" adierazi zuen gertatutakoa jakitean. Halaber, erasoa "irmotasun osoz" eta "saminez" gaitzetsi zuen, bozeramaileen batzordeak aho batez adostutako adierazpen batean.

Biktimari eta bikotekideari arma zuri batekin eraso zien hiltzaileak, 05:50 aldera Elgoibarko San Ignazio kalean. Biktimak labankadak jaso zituen bere bikotekidea defendatzera joan zenean.

Ertzaintzak indarkeria matxista baztertu du, eta hilketa gisa ikertzen ari da gertatutakoa.

Hau zure interesekoa bada, baliteke beste gai hauek ere izatea
Gaurko albisteak Gipuzkoa Elgoibar bideoak Euskal Autonomia Erkidegoa Delituak albisteak Gizartea Albisteak Gaur Albisteak Krimenak azken ordukoa