Auto bat bidetik atera da Lakuntzan eta atzetik beste batek hesia jo du

Auto bat bidetik atera zen bart A-10 errepidean, Lakuntzan, eta erdibitzaileko zuhaiztiaren kontra jo zuen. Garabia ibilgailua erretiratzen ari zen bitartean, atzetik zetorren beste batek zibarena egin eta hesia jo zuen. Dena dela, ez zen inor zauritu.

Foruzaingoak jakinarazi duenez, 17:00ak aldera Berriozarko 38 urteko gizon batek bere autoaren kontrola galdu, eta erdibitzaileko zuhaiztiaren kontra jo zuen.

Gidariak negatibo eman zuen alkoholemia eta droga probetan. Foruzaingoaren arabera, lo geratu zen.

Garabia ezbeharra izan zuen ibilgailua erretiratzen eta foruzainak ezkerreko erreia ixten ari ziren bitartean, atzetik zetorren beste ibilgailu batek hesiaren kontra jo zuen.

Foruzaingoaren hipotesiaren arabera, istripuaz jabetutakoan, bigarren gidariak esku-frenoa sakatu eta zibarena egin zuen.