Gizartea -
Etxeko lanak
Murriztu egin da gizon eta emakumeek etxeko lanei eskainitako denboren arteko tartea
Murriztu arren, emakumeek gizonek baino 0,7 ordu gehiago egiten dute lan etxean. Lanpetutako emakumeek asebetetze handiagoa adierazten dute seme-alabak eta mendekotasuna duten pertsonak zaintzean.
Agentziak | Erredakzioa
Enplegu bat duten gizonek eta emakumeek etxeko lanei eskaintzen dieten denboren arteko tartea 0,7 ordura murriztu da 2018an.
Hala ere, hamar gizonetatik bederatzik (% 89,5ek) bi ordu edo gutxiago eskaintzen dizkiete etxeko lanei, hamar emakumetatik hiruk (% 27k) hiru ordu edo gehiago eskaintzen dizkietelarik.
Lanpetutako emakumeek asebetetze handiagoa adierazten dute seme-alabak eta mendekotasuna duten pertsonak zaintzean. Gizon lanpetuen kasuan, aldiz, lehen kasuan kopurua % 52,6ra jaisten da eta % 32,2ra bigarrenean.
Aitatasun-baimena eskatzea kaltegarria izango litzatekeela uste du lanpetutako gizonen % 19,2k, emakume lanpetuen % 22k amatasunak promozio desberdintasunak ekar ditzakeela uste duelarik.
Eustat Euskal Estatistika Erakundearen arabera, emakumeek beldur handiagoa diete eszedentzia edo jardunaldi murriztua eskatzeak promozio profesionalean izan ditzakeen ondorioei.
Uztartzeko neurrien artean, denboraldi batez lanera faltatzea eta soldata gabeko egunak eskatzea aurkitzen dira. Hala ere, ia erdiek (% 46k) eszedentzia edo jardunaldi murriztuak lor ditzakete.
Bikoteko bi kideek lan egiten dutenean, % 90,4an ikastetxeei dagokie adingabeak zaintzea lanaldian zehar, % 4,1ean familiakoei eta % 3,8an gurasoei.