Gizartea -
Hezkuntza Ministerioa
Gobernuak 10 urteko soldata ordainduko dio erlijiozko irakasle bati
2001ean ez zioten lan kontratua berritu dibortziatu batekin ezkontza zibila egin ostean, Apezpikutzak egokia ez zela uste zuelako.
Erredakzioa
Hezkuntza Ministerioak erlijiozko irakasle bati hamar urteko soldata ordaindu beharko dio. 2001. urtean Apezpikutzak ez zion lan kontratua berritu emakumeak ezkontza zibila egin ostean, irakasteko egokia ez zela uste zuelako. Apezpikutzaren ustetan, emakumeak ez zituen kristau doktrina eta morala defendatzeko beharrezkoak ziren baldintzak betetzen.
Auzitegi Konstituzionalak Resurreccion Galera Navarro irakaslearen eskubideak ezagutarazi zituen ostean, Almeriako epaitegi batek epaia eman zuen; ez zuen egoera pertsonalengatik diskriminazioa jaso behar eta askatasun ideologikoa zein intimitate pertsonal eta familiarra izan behar zuen.
Auzitegi Konstituzionalak 2001eko abenduko epai bat eta Andaluziako Justiziako Auzitegi Goreneko Gizarte Aretoak 2002. urtean egindako beste epai bat baliogabetu zituen. Epai hauek ez zituzten Almeriako Apezpikutzaren aurka irakasleak egin zituen demandak onartu.