Santurtzirako trenek atzerapenak izango dituzte, tunel bateko lanak direla eta

Renfe Aldirietako C-1 lineako (Bilbo - Santurtzi) trenen ordutegia aldatuko da, iaz euriak eragindako lur-mugimenduak direla eta Adifek Urbinagako tunelean (Sestao) egingo dituen lanen ondorioz.

Uztailaren 22tik abuztuaren 9ra, 2. linea itxita egongo da. Hortaz, 1. linean baino ez dira ibiliko Santurtziko trenak, Adifek prentsa-ohar batean adierazi duenez. Zerbitzuak arintzeko, linea bakarra dagoenez, Santurtziko trenek bost eta hamar minutu arteko geldialdiak egingo dituzte, astelehenetik ostiralera puntako orduetan, Barakaldoko tren geltokian.

Urak kaltetutako tuneleko ahoa konpontzeaz gain, ezpondak indartu egingo dituzte, zerbitzuen "erregulartasuna bermatu" eta tarte horretan abiadura murriztu beharra ezabatzeko.