Gizartea -
Tenerifen
Emakume bati lepoa moztu eta burua eskuan hartuta paseatu da
Gizon bat denda batean sartu eta saltzaileetako bati lepoa moztu dio. Dagoeneko ustezko erasotzailea atxilotu dute.
Erredakzioa
Gizon batek emakume bat hil du Aronako (Tenerife hegoaldea) Juan Carlos I.a etorbidean lepoa moztuta, 112ko Larrialdi eta Segurtasun Koordinazio Zentroko iturriek adierazi dutenez.
Manuel Reveron Aronako Segurtasun zinegotziak adierazi duenez, gizon bat denda batean sartu eta saltzaileetako bati lepoa moztu dio.
Lekukoen arabera, gizona emakumeari lepoa moztu ostean, burua eskuan zuela, dendatik irten eta paseatu egin da.
Ustezko erasotzailea Aronan bizi den gizon txiro "oso ezagun" bat da. Poliziak oraindik ez daki gizonak arma zeraman edo dendan bertan hartu ote duen. Segurtasun zinegotziaren hitzetan, gizonak erabilitako arma ezpata bat izan daiteke.
Emergentzia zerbitzuak 10:25ak aldera hartu dute abisua eta Polizia Nazionala eta Lokala, Kanariar Uharteetako Larrialdiko Zerbitzua eta bi anbulantzia bertaratu dira ezbeharra izan den lekuan.