Gizartea -
Kordoban
2 urteko ume bat hil da freno barik geratu den auto batek harrapatuta
Ibilgailua aldapa batean aparkatuta zegoen, baina esku-balaztak huts egin omen du, aldapan behera abiatu da eta umea eta horren amona harrapatu ditu.
Erredakzioa
Bi urteko ume bat hil da Encinas Realesen (Kordoba) aldapa batean aparkatuta zegoen ibilgailu batek harrapatuta. Antza denez, esku-frenoak huts egin du, ikerketaren arduradunek Efe albiste agentziari jakinarazi diotenez.
Umearen amona (57 urtekoa) ere zauritu da, eta Cabrako (Kordoba) ospitalera eraman dute, baina Osasun arduradunen arabera, dagoeneko alta jaso du.
10:30 jota zirenean, 4x4 ibilgailu batek harrapatu egin ditu, umea eta amona kaletik paseatzen zihoazela.
Ibilgailua ondo aparkatua zegoen aldapa batean, baina aparkatu eta bost minutura esku-frenoak huts egin du, eta ibilgailua maldan behera abiatu da, abiadura hartu du eta, 50 metro egin ostean, haurra eta amona harrapatu ditu.
