DGTaren droneak isunak jartzen hasiko dira abuztuko irteera operazioan

Espainiako Trafiko Zuzendaritzaren (DGT) droneak trafikoko eta bide-segurtasuneko arauak urratzen dituzten gidariei isunak jartzen hasiko dira gaurtik aurrera, abuztuko irteera operazioarekin bat eginez.

Neurriak ez du eraginik izango Euskal Autonomia Erkidegoan (Ertzaintzak du trafiko eskumena); bai, ordea, Nafarroan.

Espainiako Trafiko Zuzendaritzak jakinarazi duenez, istripu gehien izaten diren errepideak eta erabiltzaile zaurgarrienek (txirrindulariak, motozaleak eta oinezkoak) asko erabiltzen dituzten tokiak zainduko dituzte bereziki.

Guztira, 11 drone baditu ere, oraingoz hiru hasiko dira arau-hausteak antzeman eta isunak hartzen. Gainerakoak trafikoa kudeatzeko eta arautzeko erabiliko dituzte.