24 pertsona atxilotu dituzte haur-pornografiagatik Estatuan, horietako bat Nafarroan

Polizia Nazionalak 24 pertsona atxilotu eta beste bederatzi ikertzen ditu hainbat probintziatan haur-pornografia sare sozial baten bidez partekatzea egotzita; horietako bat Nafarroan atxilotu dute, Poliziako Zuzendaritza Nagusiak astelehen honetan jakinarazi duenez.

Atxilotuek pornografia partekatzeko sare sozial horren mezularitza zerbitzua erabiltzen ari zirela ohartarazi zion sare sozialak internet bidezko delinkuentziari aurre egiteko Espainiako unitateari.

Atxilotuek jarraibide ezberdinak erabiltzen zituzten, Poliziak azaldu duenez.

Sare sozialak pedofiloen kontuak itxi arren, atxilotuek profil berriak sortzen zituzten pornografia partekatzen jarraitzeko.

Atxilotuen etxebizitzetan egindako miaketetan material pedofilo ugari konfiskatu dute; esaterako, haurren milaka bideo eta argazki. Halaber, 33 sakelako telefono, 14 ordenagailu, 23 USB memoria, 19 disko gogor eta zazpi tableta konfiskatu dituzte.ç

Poliziak sei lagun atxilotu ditu Madrilen; launa, Bartzelonan eta Asturiasen; eta, bana, Alacant, Badajoz, Kantabria, Castellon, Kordoba, Granada, Malaga, Nafarroa, Salamanca eta Lleidan.