Noian hildako emakumearen bikote ohiaren gorpua aurkitu dute

Noian (A Coruña) hildako Gloria Garciaren bikote ohiaren gorpua aurkitu du Guardia Zibilak A Picarañako baso-pista batean. 30 urteko Miguel H.V., hilketaren susmagarri nagusiena zen. Gorpua 10:50ak aldera aurkitu dute eta ikerketaren iturriek diotenez, "baliteke bere buruaz beste egin izana". Dena den, bere gertaeraren nondik norakoak aztertzeko frogak egingo dizkiote Miguelen gorpuari.

Miguel Cortizo Gobernuak Galizian duen ordezkariak sumario-sekretua ezarri dutela gogorarazi du. Gloriaren bikote ohiaren inguruan zeuden susmoak zirela eta, Miguelen argazkiak banatu zituen Guardia Zibilak, herritarren laguntzaren eske. Izan ere, emakumearen gorpua aurkitu zen egunean bertan, ostiralean, ihes egin zuen Miguelek. Bikote ohia bilatzeko eta atxilotzeko agindua eman zuten. Gloria eta Miguel bi urtez egon ziren elkarrekin, duela hilabete bat Gloriak harremanari amaiera jarri arte.