Gizartea -
Bilboko Aste Nagusia
C. Tanganak bigarren emanaldi bat iragarri du Bilbon
Bere abestietako letrak matxistak zirela eta, abuztuaren 9an bertan behera utzi zen bere kontzertua.
AGENTZIAK
C. Tangana rap abeslari madrildarrak larunbat honetan, abuztuak 24, Bilboko areto batean eskainiko duen kontzertuaren bigarren emanaldi bat iragarri du. Hasiera batean bere kontzertua bertan behera utzi ostean eta bere abestien letren inguruko kexen ostean helarazi du mezua. Bere sare sozialetan adierazi duenez, bi emanaldietarako sarrerak agortu dira.
10.000 pertsona inguruk 24 ordu baino gutxiagotan artistaren letrak “matxistak” zirela salatu ostean, Bilboko Udaletxeak abuztuaren 9an jakinarazi zuen, berez larunbat honetarako (abuztuak 24rako) Europa Parkean antolatuta zegoen C. Tanganaren kontzertua bertan behera geratzen zela.
Udaletxeak “emakumearen aurkako mezuak agerian ez jartzeko betebeharraren ondorioz hartu zutela erabakia azaldu zuten. Pasa den ostegunean artistak bere sare sozialetan aldarrikatu zuen “zentsura eta debekua ez dela jendea hezteko modua” eta larunbaterako kontzertuaren berri eman zuen “erakundeen zentsuraren aurka”.
Bere sare sozialetan C. Tanganak ostiral honetan iragarri du larunbatean eskainiko zuela bere kontzertuaren bigarren emanaldi bat Bilbon, eta aretora sartzeko beharrezkoak ziren sarrerak agortu egin direla. Azaldu duenez, bi emanaldietako sarrerak agortu dira, eta bere sare sozialetan eskerrak eman dizkie bere jarraitzaileei, “Bilbo, bi emanaldiak SOLD OUT. Eskerrik asko” .
