Gizartea -
indarkeria matxista
Adingabe bat atxilotu dute Gasteizen neskato bati sexu-abusua egiteagatik
Nerabea biktimaren senitartekoa da, eta adingabeen zentro batean sartu dute jada. Erasoa Arabako hiriburuko etxebizitza batean jazo zen.
Agentziak | Erredakzioa
Nerabe bat atxilotu eta adingabeen zentro batean sartu dute bere familiako neskato bati sexu-abusua egitea egotzita, Eusko Jaurlaritzako Segurtasun Sailak gaur jakinarazi duenez.
Erasoa Gasteizko etxebizitza batean jazo zen. Ertzaintzak astelehenean izan zuen horren berri, biktimaren familiak salaketa aurkeztu eta gero.
Auzia Adingabekoen Fiskaltzaren esku utzi zuen Ertzaintzak, eta horrek ustezko erasotzailea atxilotzea agindu zuen. Nerabea adingabeen zentro batera sartzea agindu zuen atzo epaileak, deklarazioa hartu ostean.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
