Gizartea -
M-15 mugimendua
Soleko protestek gutxienez astebete gehiago iraungo dute
Aste honetan zehar mugimendua hobeto artikulatu nahi dute, modu horretan eskatzen duten aldaketa soziala lortu dezaten.
Erredakzioa
Madrilgo Solen dauden "Suminduek" kontzentrazioak gutxienez astebetez, datorren igande erdira arte luzatzea erabaki dute. Modu horretan mugimendua hobeto artikulatzeko aukera izango dute eskatzen duten aldaketa soziala lortzeko.
Kontzentratuta daudenek hemendik aurrera txandak egingo dituzte mobilizazioa asko luzatuz gero ere indarrak ez agortzeko eta beraz, mugimendua "zahartuta hil ez dadin". Deialdia eta protesta herrietara, auzoetara eta Internetera zabaltzea adostu dute gainera, antolatzaileek azaldu dutenez.
Erabakiak eguerdian egin duten asanblada orokorrean hartu dituzte, lantalde ezberdinek edo norbanakoek publikoan egindako proposamenak entzun ondoren.
