Gizartea -

Indarkeria matxista

Lau gizon atxilotu dituzte Iruñean, neska batzuei sexu abusuak egitea egotzita

Erasoa ostiral arratsaldean jazo zen, Iruñea erdiguneko kale batean. Lau atxilotu horietako hiru adingabeak dira.

Agentziak | Erredakzioa

Whatsapp Facebook Twitter Telegram Email

Lau gizon atxilotu zituzten ostiralean Iruñean, sexu abusu delitua leporatuta. Noticias de Navarra egunkariak Iruñeko Udaltzaingoa aipatuz astearte honetan jakinarazi duenez, atxilotuek ukituak egin zizkieten bide publikoan zeuden neska batzuei.

Erasoa ostiral arratsaldean jazo zen, Iruñea erdiguneko kale batean. Orduan, adin txikiko neskek Iruñeko Udaltzaingoari deitu zioten pairatutako erasoaren berri emateko. Lau atxilotu horietako hiru adingabeak dira.

Hala, lekura hurbildu ziren udaltzainek, neskei sexu izaerako ukituak egin zizkieten erasotzaileak identifikatu zituzten, eta sexu abusu delitua leporatuta atxilotu zituzten. Nafarroako Gobernuak dauka gazte horiek zaintzeko ardura.

Azken asteotan, hainbat familiak salatu dute bere alabek antzeko erasoak jasan dituztela Iruñeko Bigarren Zabalgunea auzoaren inguruetan.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak umeak Iruñeko bideoak Indarkeria matxista gaur Gizartea Eguneko albisteak Albisteak Genero-indarkeriaren biktimentzako laguntza

Informazio gehiago