Gizartea -
Itsaslasterrak eraman du
Zarautzeko hondartzan desagertutako gazte bat bilatzen ari dira
Gaztea Zarautzeko (Gipuzkoa) hondartzan uretan sartu eta gero desagertu da. Antza denez, itsaslasterrak eraman du. Desagertutakoarekin zeuden lagunek abisua eman dute.
Erredakzioa
Itsas Salbamendua, Gurutze Gorria eta Ertzaintza gazte bat bilatzen ari dira Zarautzeko (Gipuzkoa) kostaldean. Gaztea 18:45ean desagertu da, herriko hondartzan. Dirudienez, itsaslasterrak eraman du.
Herrizaingo Sailak jakitera eman duenez, desagertutakoarekin zeuden lagunek abisua eman diete larrialdi zerbitzuei. Larrialdi zerbitzuek Ertzaintzarem helikoptero bat eta urpekariak bertataratu dituzte, eta baita ontziak ere.
Hau zure interesekoa bada, baliteke beste gai hauek ere izatea