Gizartea -
Nafarroa
Pertsona bat hil da trenak harrapatuta Campanas eta Noain artean
Ezbehar larria bi udalerri horien arteko ibilbidean gertatu da eta tren zerbitzua eten egin behar izan dute.
Erredakzioa
Pertsona bat hil da tren batek harrapatuta Campanas eta Noain (Nafarroa) arteko ibilbidean gertatutako ezbehar batean, Radio Euskadik jakitera eman duenez.
Madrid-Iruña ibilbidea egiten ari zen trena, baina istripuaren ondorioz bertan behera geratu da zirkulazioa, epaileak hilotza altxatzeko baimena ematen duen arte. Atzerapen handiak eragiten ari da ezbeharra.
Iruñetik Madrila joateko asmoa duten bidaiarientzat autobus zerbitzua jarri dute Zaragozaraino eta Madrileraino.
Gainera, Bartzelona-Irun ibilbidea egiten duen tren bat ere geldirik dago Tafalla parean, eta bidaiariak Iruñera eramango dituzte errepidez.