Gizartea -
Gasteizen
Gizon bat atxilotu dute laguntza-zentro bateko langile bati sexu-abusuak egiteagatik
Eraso matxista atzo jazo zen. 59 urteko gizona laguntza-zentroan bizi da, eta bertan egiten du lan biktimak.
Agentziak | Erredakzioa
Ertzaintzak 59 urteko gizonezko bat atxilotu du Gasteizeko laguntza-zentro batean bertako langile bati sexu abusuak egiteagatik.
Eusko Jaurlaritzako Segurtasun Sailak ohar batean azaldu duenez, eraso matxista atzo gertatu zen, aipatutako laguntza-zentroan.
Biktima bere lana egiten ari zen zentroko logeletako batean, eta bat-batean, gizona hurbildu zitzaion eta abusuak egin zizkion. Emakumeak ihes egitea lortu eta zentroko arduraduna ohartarazi zuen. Horrek Ertzaintzari eman zion abisu.
Bertaratutako agenteek biktima eta usteko erasotzailea galdekatu zituzten: gizonak erasoa aitortu zuen. Hala, sexu askatasunaren kontrako delitu bat egotzita atxilotu zuten.
Segurtasun Sailak ez du zehaztu zer nolako pertsonak bizi diren laguntza-zentro horretan, ezta zentroa pribatua edo publikoa den.
____________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
