Gizartea -

Manifestazioa

Ehunka pertsonak EuroPride jaialdiaren aurka protesta egin dute Bilbon

Manifestazioa Arriagan antzokitik abiatu da, eta Bilboko Kale Nagusia zeharkatu ondoren Euskalduna jauregian bukatu da.

EuroPride jaialdiaren aurkako protesta, Bilbon. EiTBko bideo batetik ateratako irudia.
Ehunka pertsonak EuroPride jaialdiaren aurka protesta egin dute Bilbon.
Milaka pertsona bildu dira Bilbon, EuroPrideren 'ereu kapitalistaren' aurka egiteko

1:22

eitb.eus

Whatsapp Facebook Twitter Telegram Email

Ehunka pertsonak EuroPride jaialdiaren kontra protesta egin dute Bilbon, "Euskal Herriko LGTBI mugimenduaren aldarrikapen historikoen aurkako interes ekonomikoen" esanetara dagoelako.

Manifestazioa Arriagan antzokitik abiatu da, eta Bilboko Kale Nagusia zeharkatu ondoren Euskalduna jauregian bukatu da. Hain zuzen ere, EuroPriden elkarte antolatzailea, EPOA, batzar nagusia egiten ari da asteburu honetan, Euskaldunan.

Bizigay LGTB+ elkarteak EPOAren (European Pride Organisers Association) batzar nagusia aprobetxatu du Bilboko Udalari eta Bizkaiko Aldundiari ekitaldietan dirua xahutzeari uztea eta LGTB+ sentsibilizazioan inbertitzea eskatzeko.

Bizigayren hitzetan, Bilbao Bizkaia Harro, EPOAren batzar nagusia edo EuroPride bezalako ekitaldiek "erakunde publikoen LGTB+ politiken gabeziak ezkutatzeko helburua dute".

"LGTB+ sentsibilizazio politika publikoek gizartea urteko 365 egunetan eraldatzen duten bitartean, ekitaldiak gutxi batzuen etekinerako aisialdi iragankorra dira", kritikatu du.

Bizigay: "Erosteko ahalmen handia duten gizon gay zuriei zuzenduta daude, kolektiboaren gainerako siglak bazterrean utziz"

Gainera, jaialdi horiek kolektiboaren aniztasuna islatzen ez dutela azpimarratu du Bizigayk: "Erosteko ahalmen handia duten gizon gay zuriei zuzenduta daude, kolektiboaren gainerako siglak bazterrean utziz".

Bestalde, Bilboko Udala LGTB+ mugimenduarekin zorretan dagoela gogorarazi du Bizigayk, 2016ko urtarrilean egindako udalbatzan adostutako akordioa bete gabe jarraitzen duelako.

Sexu orientazio eta genero nortasunarengatik egindako erasoen aurkako protokolo bat sortzea adostu zuen Udalbatzak. Ez dutela egin salatu du kolektiboak. Era berean, Udalaren eta elkarteen arteko lantaldea abiatzea adostu zuten, baina oraindik ez da bildu.

Hala ere, Bilboko Udalak "ontzeko asmoa azaltzeko eta egoerari buelta ematen hasteko aukera paregabea du", erantsi dutenez; izan ere, Bizigayk LGTB+ udal zentro bat martxan jartzeko proposamena egin zuen partaidetza aurrekontuetan.

Hau zure interesekoa bada, baliteke beste gai hauek ere izatea
Bilbo Gizartea Eguneko albisteak Albisteak Manifestazioak LGTBI