Gizartea -

Indarkeria matxista

Gizon bat atxilotuta Cartagenan, 2018tik desagertuta dagoen bikotekidea hiltzeagatik

54 urteko emakumea 2018ko abenduan desagertu zen. Oraindik ez dute gorpua topatu. Poliziak bikotearen etxebizitza miatu du, froga bila.

Agentziak | Erredakzioa

Whatsapp Facebook Twitter Telegram Email

Espainiako Poliziak gizon bat atxilotu du Cartagenan (Murtzia), 2018ko abendutik desagertuta dagoen bikotekidea hil duelakoan. Oraingoz, ez dute biktimaren gorpua topatu. Atxilotua larunbatean utziko dute epailearen esku; gertatutakoaren hainbat bertsio eman ditu, tartean bikotekidea hil eta laurdendu zuela.

Polizia iturriek jakinarazi dutenez, gizonari susmo txarra hartu zioten, eta ikertu ondoren, asteazkenean atxilotu zuten. Atzo bikotearen etxebizitza miatu zuten, froga bila.

Iturrion arabera, 2018ko abenduaren 25ean desagertu zen 54 urteko emakume bat izan liteke biktima. Desagertu zenean, SOS Desagertuak eta 112 larrialdi zerbitzuak ohartarazpena bota zuten sare sozialetan, laguntza eske. Aurtengo martxoan gogorarazi dutenez, oraindik ez dute haren berri.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak Indarkeria matxista Espainia Gizartea Indarkeria matxistaren biktimak Eguneko albisteak Albisteak Desagertutako pertsonak Tratu txarren biktimak Matxismoa

Informazio gehiago