Atxarten desagertu zen mendizalearen bila jarraitzen dute

Gaur goizean ekin diote berriro Atxarte inguruan (Durango) desagertu zen gizona bilatzeko lanari.

Herrizaingo Sailak jakitera eman duenez, erreskate taldeak, helikoptero baten laguntzarekin, meatzearen ingurua miatzen ari dira 08:00etatik joan den larunbatean desagertu zen gizonaren bila.

Eusko Jaurlaritzaren Larrialdi Zerbitzuetako teknikari baten zuzendaritzapean ari dira egiten lan eta desagertuaren senideak eta lagunak ere parte hartzen ari dira.