Itxi

Gizartea

Sutea

Hainbat enpresa hustu dituzte Iurretan pabiloi batean piztutako sutea dela eta

Agentziak | Erredakzioa

Garrak 12:20 aldera piztu dira Arriandi industrialdeko pabiloi batean. Suhiltzaileak amatatzeko lanetan daude oraindik.

0:14
Sutea Iurretan

Iurretako (Bizkaia) Arriandi industrialdeko hainbat enpresa jendez hustu dituzte pabiloi batean sutea piztu dela eta, Eusko Jaurlaritzako Segurtasun Sailak jakinarazi duenez.

Garrak 12:20 aldera piztu dira, eta 13:00ak zirenean, amatatzeko lanetan zeuden oraindik Iurretako parkeko suhiltzaileak. Antza, sutea pabiloi batean piztu da, baina ondoan dituen beste batzuetara zabaldu dira garrak.

Sutea handia da, eta ke ugari eragin du (Durangotik ikus daiteke zutabea).

Badaezpada, inguruko enpresak jendez hustu behar izan dituzte. Arriandi industrialderako sarbidea ere itxita dago.

  • Bisitatuena

      Kargatzen ikusiena
      Kargatzen ikusiena