Gizartea -
Emakumeen kontrako indarkeria
Gizon batek emazte ohia zauritu eta horren bikotekidea hil du Denian
Ustezko erasotzailea bikotekide ohiaren etxebizitzara joan da pistola batekin eta gizonezko bat tirokatu eta hil ondoren, larri zauritu du emaztea arma zuriz.
Erredakzioa
Gizonezko batek bikotekide ohia larri zauritu eta horren bikotekidea hil du bart Denian (Alacant), ikerketako iturriek jakitera eman dutenez.
Aipatu iturrien arabera, 30 urteko gizonezkoa La Alhanbrako urbanizaziora joan da, bikotekide ohiaren etxebizitzara, gauerdia aldera.
Han, bikotekide ohiarekin zegoen gizona hil du tirokatuta. Gero, emakumearekin eztabaida sutsua izan du eta arma zuri batez zauri larriak eragin dizkio eta buruan kolpea jota burezur-garuneko traumatismoa egin dio. Emakumea Deniako Marina Alta ospitalean sartu dute.
Ustezko erasotzailea Udaltzaingoaren ziega batera eraman dute hasieran eta dagoeneko Espainiako Poliziaren esku dago, horrek izango baitu ikerketa aurrera eramateko ardura.
