Gizartea -

Auto-istripuak

Zirkulazioa normaltasunera itzuli da AP-8an Mendaron eta N1 errepidean Adunan

Goizean, auto-ilara luzeak sortu dira Irungo noranzkoan, Gipuzkoako errepideetan izandako lau auto-istripuren ostean. Bizkaian, bi auto-istripu jazo dira.

4 kilometroko auto-ilarak AP-8an Mendaron, eta 7koak N-1 errepidean Adunan. Argazkia: Trafikoa
4 kilometroko auto-ilarak AP-8an Mendaron, eta 7 kilometrokoak N-1 errepidean Adunan. Trafikoa
4 kilometroko auto-ilarak AP-8an Mendaron, eta 7koak N-1 errepidean Adunan. Argazkia: Trafikoa

Agentziak | Erredakzioa

Whatsapp Facebook Twitter Telegram Email

Asteazkeneko honetan auto-ilara luzeak sortu dira AP-8 eta N-1 errepideetan, Irungo noranzkoan (Gipuzkoa), Mendaron izandako bi auto-istripuren ondorioz, eta Adunan izandako beste bi istripuren ostean, Eusko Jaurlaritzako Segurtasun Sailak jakitera eman duenez.

07: 00ak aldera, ibilgailu bat errepidetik atera da AP-8 autobidean, Mendaron, eta babes-hesiaren aurka talka egin du. Handik gutxira, beste istripu bat gertatu da, bi autoren artean. Ondorioz, 4 kilometroko auto-ilarak izan dira Irungo noranzkoan.

Ordubete geroago, ondoz ondoko bi istripu jazo dira N-1 errepidean, Adunan, eta 7 kilometroko auto-ilarak sortu dira.

Bizkaian, BI-636 errepidean, Gueñesen, bi autok talka egin dute, eta Arrontegiko zubian, auto batek eta furgoneta batek talka egin dute, inguruan auto-ilara luzeak sortuz.

Dena dela, goizean zehar auto-ilarak pixkanaka amaitu dira eta zirkulazioa bere onera etorri da jada.

Hau zure interesekoa bada, baliteke beste gai hauek ere izatea
Trafiko Istripuak Trafikoa Bizkaia Gipuzkoa Euskal Autonomia Erkidegoa Gizartea Trafiko webkamerak Eguneko albisteak Albisteak A-8 Autobidea Gueñes N-1