Gizartea -
Gaitz neuromotor bat zuen
Aberats britainiar baten lagundutako suizidioa emitituko du BBC kateak
'Hiltzeko modua aukeratu' izenburuko dokumentalak Peter Smedley ostalariaren azken egunak erakusten ditu. Suitzako Dignitas klinikara jo zuen bere buruaz beste egiteko laguntza jasotzera.
Erredakzioa
Peter Smedley Britainia Handiko ostalari aberatsaren lagundutako suizidioari buruzko dokumentala emitituko du BBC kate publikoak. 71 urteko gizonezkoa Suitzako Dignitas klinikara joan zen joan den abenduan bere buruaz beste egiteko laguntza jasotzera.
Smedleyk gaitz neuromotor bat zuen, duela bi urte diagnostikatu ziotela. Dignitas klinikara berarekin joateko gonbidapena egin zion Terry Pratchett dokumentalaren ekoizleari. Suitzako zentro horretan bere buruaz beste egin zuen ostalariak, pozoi bat edanda.
Alzheimerren gaixotasuna antzeman zioten Pratchetti duela hilabete batzuk, eta, ordutik, lagundutako suizidioa legeztatzearen aldeko kanpaina egiten ari da. Dokumentala datorren astelehenean emitituko dute, Hiltzeko modua aukeratu izenburupean.
