Gizartea -
Alerta laranja
Euri-denboraleak metro koadroko 34 litro utzi ditu Bizkaian
Gainera, Matxitxakon, 100 km/h-rainoko haize-boladak jaso dituzte.
Agentziak | Erredakzioa
Bizkaian alerta laranja eragin duen euri-denboraleak 24 ordutan metroko koadroko 33,8 litroko prezipitazioak utzi ditu Mañarian, eta 102 km/h-rainoko haize-boladak Matxitxakon.
Ostegun goizean, Eusko Jaurlaritzaren Segurtasun Sailak amaitutzat eman ditu asteazkenetik indarrean zeuden abisu horia eta alerta laranja; prezipitazioa iraunkor eta handiagatik eta nabigaziorako lehen bi miliatan arriskuagatik.
Azken 24 orduetan, Mañarian neurtu dituzte prezipitazio handienak; metro koadroko 33,8 litro jaso dituzte bertan. 26,8 litro jaso dituzte Otxandion, eta 24,7 litro, berriz, Zaldiaranen (Araba). Matxitxakon 02:00etan izan da haize-bolada indartsuena.
Euskalmeten iragarpenak ohartarazi zuenez, Bizkaian (mendebaldean, bereziki) 30-50 litro pila zitezkeen metro koadroko, eta 10-30 litro, ostegun goizaldean.
Segurtasun Sailaren esanetan, iragarpenaren arabera, ondorengo orduetan euria botatzen jarraituko du, baina prezipitazio ahulak izango dira, eta arratsaldean eten egingo dira. Ostiralerako, aldaketa handia dago iragarrita: oskarbi egongo da, eta tenperaturak gora egingo du.
