Gizartea -
Gertakaria
Emakume baten gorpua aurkitu dute Getxon
Parapentea egiten ari zen pertsona batek aurkitu du gorpua Azkorri eta Solondota hondartzen artean. Aurreneko ikerketek hilketa baztertu dute.
Erredakzioa
Emakume baten gorpua aurkitu dute Getxon, Azkorri eta Solondota hondartzen artean, indarkeria zantzuekin, Herrizaingo Sailak jakinarazi duenez.
Parapentea egiten ari zen pertsona batek aurkitu du gorpua, bi hondartzen arteko pasealekuan, 16:45 aldera.
Ekainaren 7an salaketa bat jarri zuten Bilboko Ertzain-etxe batean, emakumea desagertuta zegoela eta.
Hilketa baztertu dute lehen ikerketek
Ikerketako iturriek jakinarazi duenez, hilketa baztertu dute aurreneko ikerketek.
Gertakaria istripua edo suizidioa izan ote den argitu nahi dute ikerketek une honetan. Zentzu horretan, autopsiak baieztatzeko zain, biktimak aurpegian dituen lesioak gorpua erori den tokian jaso dituela diote hipotesiek.